Ab...

Tabdil ho gaya hun..

Iss Mahaul,
Iss sama mein,
Kahin khokar, ab khud ko paa liya hai maine.

Mujhe sochna tha,
Par shayad waqt nahi tha,
Kahin waqt dekar, ab waqt paaya hai maine.

Koi tha shayad,
Jiski kami thi,
Kahin paaya tha un logon ko, ab kahin kho na dun unko main.

Jeena bhi ek kala hai,
Nahi jaanta tha main,
Seekhaya hai aapne, ab shayad kabhi na bhul paaunga main.

Khud ko pehchana nahi tha,
Pehchaana hai ab,
Pehchanana ab dusron ko hai, ab pehchaan banani hai mujhe.

Socha tha shaktishaali hun,
Maar khaayi hai bahut,
Maar khakar bhi, ab lamhe banaye hai maine.

Ye saath ye samaa,
Bahut yaad aayega,
Ab sikhna hai iske saath jeena bhi.

Dard wo nahi, ki ab nahi milenge,
Dard wo hai, ki rehkar bhi, ab door rahenge.

Kuch baatein unkahi kar dunga,
Aankhein nam ho rahi hain,
Jaane ka gham shayad ab bardaasht nahi hoga,
Na mil paane ka dukh ab sehan nahi hoga.

Alvida!